Канцлер Нямеччыны Ангела Меркель лічыць, што ў скасаванні Дагавора аб ліквідацыі ракет сярэдняй і меншай далёкасці (ДРСМД) вінаваты расійскі бок, піша Delfi.
«Я вельмі шкадую аб тым, што Расія даказальна парушыла дагавор аб РСМД і такім чынам дала падставу для заканчэння гэтай дамовы. Такім чынам была страчана частка [сістэмы] абмежаванняў узбраенняў у Еўропе і ва ўсім свеце. Мы будзем прыкладаць усе намаганні, сумесна з нашымі партнёрамі ў НАТА, каб настойваць на далейшым абмежаванні ўзбраенняў, і будзем займацца гэтым у наступныя гады», — заявіла Меркель.
Канцлер таксама паабяцала, што НАТА знойдзе агульны адказ у сувязі са скасаваннем дагавора, а Нямеччына пры гэтым будзе дзейнічаць як частка альянсу.
Публікуецца ў межах спецыяльнай рубрыкі «Навіны Германіі»
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары