Аб гэтым заявіў прэм’ер‑міністр Беларусі Сяргей Сідорскі сёння на пасяджэнні калегіі Міністэрства архітэктуры і будаўніцтва.
Цэны ў Беларусі ў існуючых умовах павінны зніжацца. Аб гэтым заявіў прэм’ер‑міністр Беларусі Сяргей Сідорскі сёння на пасяджэнні калегіі Міністэрства архітэктуры і будаўніцтва.
«У цяперашніх умовах цэны ў Беларусі павінны быць падаючымі», — сказаў Сяргей Сідорскі. Пры гэтым ён нагадаў, што для Беларусі ўстаноўлена таксама «падаючая» цана на газ. «Гэта перавага беларускай эканомікі, яе трэба рэалізаваць на справе», — падкрэсліў прэм’ер.
Сяргей Сідорскі нагадаў, што на працягу апошніх 6 месяцаў урад праводзіў дакладную палітыку адносна цаны на газ. «Мы заяўлялі яшчэ ў красавіку, затым у жніўні, што ўваходная цана газу будзе ў раёне $140. І перагаворны працэс увянчаўся поспехам: да новага года ўсе пытанні былі вырашаны,
мы атрымалі газ на ўзроўні $140‑150.Прычым цана падаючая, і мы адзіная краіна, якая мае такую цану», — сказаў прэм’ер‑міністр. Зыходзячы з гэтага, будаўнічая галіна павінна была сфарміраваць свае планы, і цяпер урад мае права чакаць вынікаў ад вытворцаў, у тым ліку ад будаўнікоў.
Мінбудархітэктуры павінна перагледзець работу сваіх галін і падгалін, скаардынаваць іх, выпрацаваць стратэгію на ўнутраным і знешнім рынках. «Мы павінны паказаць насельніцтву, што цана на таварна‑матэрыяльныя каштоўнасці падае ў свеце і ў Беларусі яна таксама будзе падаць», — сказаў прэм’ер.
«Яна не ў турме, а на спецдачы КДБ!» Канспіролагі накінуліся на Калеснікаву24
Каментары