Амерыканская медыцынская асацыяцыя заклікала спыніць выкарыстанне электронных цыгарэт
У заяве AMА, у прыватнасці, адзначаецца: «Распаўсюд у краіне лёгачных захворванняў, звязаных з электроннымі цыгарэтамі, умацоўвае перакананне, што выкарыстанне электронных цыгарэт і вейпінг набылі характар эпідэміі».
AMA — адна з найбольш вядомых і ўплывовых арганізацый дактароў у ЗША. Яна папярэдзіла, што вейперы, якія маюць праблемы з дыханнем, болі ў грудзях або моцны кашаль, павінны неадкладна звярнуцца па медыцынскую дапамогу, паведамляе Голас Амерыкі
У сваю чаргу, Адміністрацыя кантролю за прадуктамі харчавання і медыкаментамі (FDA) накіравала найбуйнейшаму вытворцу электронных цыгарэт — кампаніі JUUL — папярэджанне, абвінаваціўшы JUUL у парушэнні закона: распаўсюдзе неабгрунтаваных заяваў пра бяспеку яе прадукцыі.
Вейпінг лічыцца прычынай 450 нядаўна выяўленых выпадкаў пульманалагічных расстройстваў ў ЗША, вынікам якіх сталі пяць смяротных вынікаў.
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў8
Каментары