Новы сезон бясплатных курсаў украінскай мовы: Мінск, Гродна, Гомель, Брэст, Маладзечна, Кобрын
Пачынаецца новы, ужо трэці, сезон работы бясплатных курсаў украінскай мовы ў Беларусі. Сёлета курсы будуць працаваць у Мінску, Гомелі, Брэсце, Гродна, Кобрыне, Маладзечне. Арганізуе курсы украінская грамада пры падтрымцы Пасольства Украіны ў Рэспубліцы Беларусь.
Калі вы хочаце вывучыць салаўіную мову краіны-суседкі і дзівіць ёю сяброў-украінцаў, бываючы ва Украіне, калі цікавіцеся украінскай культурай і літаратурай, калі ўкраінская патрэбна вам для работы, калі маеце украінскія карані, украінская для вас родная і вы хочаце ўдасканаліць яе веданне — ласкава запрашаем на заняткі.
У Мінску заняткі для дарослых пачнуцца 27 верасня і будуць праходзіць штопятніцы ў памяшканні Таварыства беларускай мовы (Румянцава, 13), у 18-00 — для пачаткоўцаў, у 19-30 — для тых, працягвае навучанне або ўжо ведае ўкраінскую на базавым узроўні. Набіраецца таксама дзіцячая група, заняткі будуць праходзіць штосуботы ў першай палове дня.
Пра месцы і час правядзення курсаў у іншых гарадах, іншую неабходную інфармацыю можна даведацца ў каардынатараў.
Запісацца на курсы можна ў каардынатараў па наступных тэлефонах:
Мінск +375296031855 (А1, Вайбер), +375297548040 (МТС), таксама можна запісацца праз Фэйсбук, Святлана
Гомель +375293151939, таксама можна запісацца праз Фэйсбук Багдан
Брэст +375298063281, Наталля
Гродна +375292827874, Наталля
Кобрын +375333049466, Сцяпан Іосіфавіч
Маладзечна, +375297605225, таксама можна запісацца праз Фэйсбук Ясенія
Калі вы хочаце, каб бясплатныя курсы ўкраінскай мовы з’явіліся і ў вашым горадзе ці вёсцы, звяртайцеся праз Фэйсбук да Наталкі Бабінай, і вам дапамогуць.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру7
Каментары