Марыя Васілевіч: У інтэрнэце пераважна негатыў, а ўжывую людзі мяне падтрымліваюць
«Міс Беларусь — 2018» Марыя Васілевіч балатуецца ў дэпутаты Палаты прадстаўнікоў па Кальварыйскай акрузе Мінска. Яе вылучэнне выклікала негатыўную рэакцыю карыстальнікаў папулярных сайтах — 22-гадовую Васілевіч публіка ўспрымае перадусім як спадарожніцу Аляксандра Лукашэнкі на мерапрыемствах.
«Цырк» — самы залайканы каментар да артыкула на «НН».
«Наша Ніва» спытала ў Марыі Васілевіч, як яна ставіцца да крытыкі ў інтэрнэце.
«Вядома, я чытала каментарыі пра сябе рознага характару. У людзей розныя пазіцыі — ну маюць права! Спрачацца з кожным я не збіраюся, але кожнае меркаванне паважаю. Звярніце ўвагу на паслядоўнасць: у інтэрнэце пераважна негатыў, а калі я размаўляю з людзьмі ўжывую — на пікетах, ці проста мяне на вуліцы пазналі і падышлі, — то тады людзі мяне падтрымліваюць. У вочы негатыву мне не сказаў яшчэ ніхто!» — кажа Васілевіч.
Адкуль ў дзяўчыны такая пасада на Белтэлерадыёкампаніі — «рэдактар аддзела рэдактараў галоўнай дырэкцыі падрыхтоўкі тэлепраграм генеральнага прадзюсарскага цэнтра»?
«Я працую вядучай, а вось афіцыйна пасада называецца менавіта так», — сказала Васілевіч і ўдакладніла, што людзей у яе падпарадкаванні няма.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ5
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары