Аляксандр Друзь вернецца ў «Што? Дзе? Калі?» у наступным сезоне
Аляксандр Друзь вернецца ў клуб «Што? Дзе? Калі?» (ЧГК) да канца года, аднак гуляць у гэтым сезоне ён не будзе, паведамляецца на сайце кампаніі «Гульня-ТБ».
«Тэлекампанія «Гульня-ТБ», улічваючы прынесеныя Аляксандрам Друзём прабачэнні і ў сувязі з тым, што прайшло шмат часу, прыняла рашэнне аб вяртанні Аляксандра Друзя ў клуб», — гаворыцца ў паведамленні.
Да канца сезона ў камандзе Віктара Сіднева замест Друзя будзе гуляць Іна Сямёнава. «Аляксандр Друзь будзе прысутнічаць на гульнях, але ўдзельнічаць у іх у гэтым сезоне не будзе. У наступным сезоне спадзяемся яго ўбачыць за гульнявым сталом», — патлумачылі РБК ў прэс-службе «Гульня-ТВ».
«Першы канал» адхіліў Аляксандра Друзя ад удзелу ў тэлепраграме «Што? Дзе? Калі?» пасля таго, як яго абвінаваціў у подкупе Ілья Бер, галоўны рэдактар «Хто хоча стаць мільянерам?». Паводле яго, магістр ЧГК паабяцаў падзяліцца выйгрышам ў абмен на загадзя прадастаўленыя адказы. У пацверджанне сваіх слоў Бер апублікаваў запіс размовы.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца2
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары