Старшыня марыянетачнай Беларускай патрыятычнай партыі, «казак» Мікалай Улаховіч — пакуль што адзіны дэпутат Палаты прадстаўнікоў, які вырашыў пераабірацца, але не стаў збіраць подпісы выбарцаў.
Улаховіч балатуецца ў дэпутаты па той жа Сеніцкай акрузе, што і раней.
У 2016 годзе ён сабраў подпісы выбарцаў, быў падтрыманы нейкім працоўным калектывам і падмацаваў вылучэнне накіраваннем ад партыі. А цяпер проста вылучыўся ад сваёй партыі.
Цяперашнія канкурэнты Улаховіча — некалькі чалавек са сферы адукацыі, некалькі прадпрымальнікаў. Подпісы выбарцаў пакуль што сабраў толькі старшыня таварыства ўласнікаў Вадзім Фалевіч.
Улаховіч быў кандыдатам у прэзідэнты — 2015 і заняў апошняе месца. За яго нібыта прагаласавала нават менш чалавек, чым за яго папярэдне падпісаліся.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары