Улады Аргентыны загадалі брытанскаму біскупу Рычарду Уільямсану пакінуць краіну.
Улады Аргентыны загадалі брытанскаму біскупу Рычарду Уільямсану, што адмаўляе Халакост, пакінуць краіну.
У адваротным выпадку святара можа чакаць высылка за межы Аргентыны. Уільямсану далі дзесяць дзён на прыняцце рашэння.
Раней біскуп займаў пасаду кіраўніка каталіцкай семінарыі ў Аргентыне, але быў пазбаўлены пасады ў лютым.
Уільямсан раней быў адлучаны ад царквы, праўда, па незвязаных з падзеямі Другой сусветнай вайны прычынах, але ў студзені 2009 г. рашэннем Папы Рымскага быў адноўлены ў сваім сане.
Рашэнне Ватыкана пра вяртанне Уільямсана ў лона царквы сустрэла вострую рэакцыю ва ўсім свеце.
Рабінат у Ізраілі вырашыў разарваць дачыненні з Ватыканам у знак пратэсту супраць рашэння Бенедыкта XVI.
Канцлер Нямеччыны Ангела Меркель заявіла, што тлумачэннў Ватыкана наконт рэабілітацыі недастаткова.
У Ватыкане ў сваю чаргу заявілі, што тады не ведалі пра думкі Уільмсана. Урэшце Ватыкан выступіў з заявай, што біскуп павінен "безумоўна" адхрысціцца ад сваіх заяваў.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары