«Худыя, абязводжаныя, з запалымі вачыма» тыгры з-пад беларускай мяжы закончылі сваю адысею ў Познані ФОТА
Zoo Poznan
Дзевяць тыграў, якія тыдзень прастаялі ў грузавіку на польска-беларускай мяжы, нарэшце патрапілі ў заапарк у Познані, піша Радыё Свабода.
«Худыя, абязводжаныя, з упалымі вачыма, поўсць аблепленая спаражненьнямі, прэласьць ад мачы, у татальным стрэсе, без волі і ахвоты да жыцця», — гэтак стан тыграў адразу пасля іх пераезду з-пад польска-беларускай мяжы ў Познань апісалі на афіцыйнай старонцы познаньскага заапарку ў фэйсбуку.
Пазней старонка паведаміла, што работнікі заапарку працягваюць разгружаць тыграў, нягледзячы на агрэсіўныя паводзіны некаторых з іх
24 кастрычніка на прапускным пункце Карошчын з польскага боку польска-беларускай мяжы з'явіўся грузавік з дзесяццю тыграмі ў клетках, які кіраваўся з Італіі ў Расію. У Беларусь тыграў не ўпусцілі праз адсутнасць неабходных ветэрынарных сертыфікатаў. Адзін з тыграў памёр, не вытрымаўшы цяжкасцяў падарожжа. Звяроў вырашылі ўзяць работнікі заапарку ў Познані.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы7
Каментары