У Сан-Дыега (штат Каліфорнія) у выніку абстрэлу жылога дома ў раёне Paradise Hills загінулі пяць чалавек, у тым ліку трое дзяцей. Пра гэта паведамляе The San Diego Union-Tribune.
Як паведамляе выданне са спасылкай на паліцыю, усе загінулыя былі членамі сям'і і сярод іх, верагодна, той, хто пачаў стральбу. Мясцовы тэлеканал 10news адзначае, што хлопчыкаў пяці і дзевяці гадоў даставілі ў бальніцу, дзе дактары канстатавалі іх смерць. Трохгадовае дзіця і 29-гадовая маці хлопчыкаў загінулі на месцы. Там таксама знайшлі мёртвага 31-гадовага мужчыну, але, па дадзеных тэлеканала, яго сувязь з сям'ёй пакуль няясная.
У паліцыі паведамілі, што першы званок у экстраную службу паступіў каля 06:49 па мясцовым часе. The San Diego Union-Tribune піша, што тады размова не адбылася, а дыспетчар пачуў толькі галасы людзей, якія спрачаліся. Пасля таго, як на месца выехалі супрацоўнікі праваахоўных органаў, па нумары 911 патэлефанавалі суседзі, паведаміўшы, што пачулі сварку і стрэлы.
-
У Расіі хочуць адмяніць рэабілітацыю значнай колькасці ахвяр савецкіх рэпрэсій. Пакінуць толькі апалітычных і «добранамераных»
-
Можа «ўскрыць раны нацызму» — што гавораць нямецкія дэпутаты пра бізнэс іх калегі ў Лідзе, дзе працуюць палітвязні
-
Марпех УСУ, у якога адняла мову ў расійскім палоне, загаварыў пасля абмену
Каментары