Улада3737

У Палату прадстаўнікоў не пусцілі ніводнага апазіцыянера. Прагноз «НН» спраўдзіўся на 96%

ЦВК апублікавала вынікі выбараў у Палату прадстаўнікоў. У новым парламенце не будзе ніводнага прадстаўніка апазіцыі.

Вынікі выбараў практычна супалі з нашым прагнозам: «Наша Ніва» ўгадала 106 са 110 новых дэпутатаў.

Нашы прагназісты дапусцілі чатыры памылкі.

На Магілёўскай-Кастрычніцкай акрузе №86 мы паверылі ў інфармацыю ад мясцовых апазіцыйных актывістаў, якія паведамілі пра планаваную перамогу дырэктара Вагонабудаўнічага завода Віталя Мартынава. Але перамагла ўсё ж дэпутатка Вольга Петрашова.

На суседняй Магілёўскай-Цэнтральнай акрузе №85 перамагла дырэктарка школы Людміла Здорыкава, а не дырэктарка Гандлёвага каледжа Людміла Ільінская. Самае крыўднае, што менавіта Здорыкава была ў нашым фінальным спісе, але рэдактар «НН» не заўважыў гэту праўку. Прыкрая памылка.

На Сеніцкай акрузе №76 прамахнуліся ўсе незалежныя СМІ. «Еўрарадыё», «Навіны.бай» і «Белсат» ставілі на цяперашняга дэпутата Мікалая Улаховіча. «Наша Ніва» лічыла, што яго пракацяць і абяруць дырэктара Мінскага абласнога гандлёвага каледжа Вадзіма Дордаля. Але тыя, хто збіраў праўладную каманду, перахітрылі ўсіх. Новая дэпутатка ад Сеніцы — дырэктарка не надта прадстаўнічага дашкольнага цэнтра развіцця дзіцяці «Каласок» Людміла Падлужная.

Нарэшце, неспадзяванка здарылася ў Оршы. Тут на Аршанска-Дняпроўскай акрузе №26 нешта адбылося са здароўем дэпутата Віталя Чудовіча. Ён запэўнівае, што цяпер з ім усё нармальна. Але тым часам на выбарах перамог (здаецца, нечакана нават для самога сябе) дырэктар філіяла «Беларусбанка» Віталь Васюкоў.

Такім чынам, «Наша Ніва» зрабіла ў прагнозе чатыры памылкі, «Навіны.бай» і «Белсат» — па дзевяць памылак, «Еўрарадыё» — 13 памылак.

110 дэпутатаў, якія трапяць у парламент, — праверце спіс пасля выбараў

Каментары37

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю51

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю51

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць