Пра спыненьне галадоўкі пратэсту абвесьціў на прэсавай канфэрэнцыі 17 чэрвеня кіраўнік незарэгістраванай арганізацыі «Малады Фронт» Зьміцер Дашкевіч.
Пра спыненьне галадоўкі пратэсту абвесьціў на прэсавай канфэрэнцыі 17 чэрвеня кіраўнік незарэгістраванай арганізацыі «Малады Фронт» Зьміцер Дашкевіч. Акцыю спыняюць апошнія 9 галадоўнікаў у Менску і адзін – у Мастах. Асноўнай прычынай Дашкевіч назваў пагаршэньне стану здароўя ўдзельнікаў: 16 чэрвеня істотна горш сталі пачувацца дзьве дзяўчыны – удзельніцы галадоўкі. Адну зь іх, Насту Азарку, нават шпіталізавалі: дактары зрабілі ёй некалькі ўколаў глюкозы.
Другой прычынай спыненьня 20-дзённай гэстафэтнай галадоўкі моладзі Дашкевіч назваў праблемы з здыманай кватэрай у Менску, дзе сабраліся галадоўнікі: «Памяшканьне было ў складаным юрыдычным статусе (пад продажам), і кадэбісты націснулі на гаспадыню, што сканфіскуюць кватэру».
Дашкевіч пратрымаўся найдаўжэй за ўсіх астатніх галадоўнікаў – 16 сутак. Да гэтага, як ён кажа, максымальны тэрмін галадваньня меў 6 сутак. Ацэньваючы вынікі акцыі, Зьміцер кажа, што галадоўнікі не дамагліся рэакцыі ўлады, але зьвярнулі ўвагу грамадзтва на важныя праблемы: перасьлед моладзевых актывістаў, наяўнасьць палітвязьняў у Беларусі, рэпрэсіі супраць вернікаў. «Мы не планавалі гэтую галадоўку – гэта быў стыхіўны пратэст нашых актывістаў у рэгіёнах, які выказалі салідарнасьць з кіраўніцтвам «Маладога Фронту», – зазначыў ён.
Збор матэрыялаў у крымінальнай справе па кіраўніцтве «Маладога Фронту» працягнуты да жніўня. На судовы працэс маладафронтаўцы плянуюць выклікаць каля 1000 сьведкаў, якія пацьвердзяць свой удзел у арганізацыі. Ужо цяпер сабраныя некалькі тысячаў подпісаў пад зваротам у падтрымку падсьледных.
За 20 дзён у эстафэтнай галадоўцы прынялі ўдзел, паводле ацэнак Дашкевіча, каля 100 чалавек: «Дакладную лічбу назваць складана. Мы атрымлівалі шмсат лістоў, дзе людзі пісалі, што будуць галадаць на знак салідарнасьці з намі 3 дні, ці 5 дзён, ці да пачатку іспытаў...»
АШ
Цяпер чытаюць
Лукашэнка нервова пракаментаваў візіт Ціханоўскай у Кіеў40
Каментары