Верталёт, на борце якога знаходзіліся дзевяць чалавек, у тым ліку баскетбаліст Кобі Браянт, кружыў чвэрць гадзіны перад падзеннем. Падрабязнасці авіякатастрофы сталі вядомыя выданню The Mirror.
Верталёт вылецеў з акругі Орындж у Каліфорніі і накіроўваўся ў горад Таўзанд-Окс. Паводле звестак радара, верталёт зрабіў дзесяць колаў над горадам Глендэйл за 15 хвілін, пасля чаго ўрэзаўся ў схіл гары ў Калабасасе, прыкладна за 30 кіламетраў ад цэнтра Лос-Анджэлеса.
Паводле выдання, пасажыры верталёта накіроўваліся на трэніроўку па баскетболе. Спартсмен рэгулярна карыстаўся гэтым відам транспарту для таго, каб дабрацца да стадыёна «Лейкерс».
Ахвярамі катастрофы таксама сталі яшчэ восем чалавек, у тым ліку і 13-гадовая дачка баскетбаліста Джына Марыя-Анорэ. Адной з магчымых прычын крушэння называюць дрэнную бачнасць — у раёне Каліфорніі быў моцны туман.
Цягам усёй кар'еры Браянт выступаў за клуб «Лос-Анджэлес Лейкерс», разам з камандай выйграў пяць чэмпіёнскіх тытулаў Нацыянальнай баскетбольнай асацыяцыі. Баскетбаліст завяршыў спартыўную кар'еру ў 2016 годзе, пасля чаго напісаў некалькі кніг, у якіх распавёў пра цяжкасці кар'еры, а таксама зборнік дзіцячых апавяданняў.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары