Студэнт БДУ кітаец Лей Донг: «Не нашу маску ў мінскім метро, каб не спалохаць людзей»
Лей вучыцца на фізічным факультэце БДУ. Ён расказвае, што дзень пачынае са зводкі навін з Кітая.
Лей з 2019 года нікуды не выязджаў з Беларусі, але разумее стаўленне людзей да каранавіруса.
«Я напалоханы навінамі. Раней часта ездзіў у метро ў масцы. Цяпер не раблю так. Баюся, што людзі будуць напужаныя тым, што я, азіят, знаходжуся ў грамадскім месцы ў масцы», — расказвае Лей.
Лей жыве ў інтэрнаце №2. Хлопец расказвае, што ўвечары часам выходзіць гуляць на раку.
«Я цяпер стараюся рэдка бываць у супермаркетах, не бываю там, дзе шмат людзей. Мне расказвалі, што адну дзяўчыну ў Мінску адмовіўся падвозіць таксіст, бо яна азіятка. Я не хачу, каб такое здарылася са мной. Таму на вуліцы зараз амаль не бываю», — працягвае Лей.
Лей кажа, што вельмі пільна сочыць за сваім здароўем.
«Я думаю, што змагу зразумець, што захварэў. Каранавірус моцны. Але я веру сваёй краіне, веру ў тое, што лекі хутка будуць знойдзеныя. І думаю, што ўсё будзе добра», — падсумаваў Лей.
Каментары