Трамп даручыць раскрыць дакументы, «якія датычацца іншапланетнага і пазазямнога жыцця» і НЛА
Раней Трамп заявіў, што Барак Абама «раскрыў сакрэтную інфармацыю» пра існаванне іншапланецян пасля таго, як былы прэзідэнт ЗША паразважаў пра іх у падкасце.
Трамп даручыць раскрыць дакументы, «якія тычацца іншапланетнага і пазазямнога жыцця» і НЛА, піша Бі-бі-сі.
«Улічваючы велізарную цікавасць, я даручу ваеннаму міністру Піту Хегсету і адпаведным дэпартаментам і агенцтвам пачаць працэс выяўлення і раскрыцця ўрадавых дакументаў, якія тычацца іншапланетнага і пазаземнага жыцця, неапазнаных паветраных з'яў (НПЗ) і неапазнаных лятаючых аб'ектаў (НЛА), а таксама любой іншай інфармацыі, звязанай з гэтымі вельмі складанымі, але надзвычай цікавымі і важнымі пытаннямі», — напісаў Дональд Трамп у сваёй сацсетцы.
Раней Трамп заявіў, што Барак Абама «разгаласіў сакрэтную інфармацыю» аб існаванні іншапланецян пасля таго, як былы прэзідэнт ЗША разважаў пра іх у падкасце.
«Так, яны існуюць, але я іх не бачыў», — казаў Абама. Ён таксама паведаміў, што за час свайго прэзідэнцтва не бачыў доказаў кантактаў з пазазямнымі істотамі.
Пазней ён апублікаваў фрагмент запісу падкаста і растлумачыў, што меў на ўвазе выключна статыстычную верагоднасць існавання пазазямнога жыцця: «Я стараўся адказваць хутка, падладжваючыся пад тэмп хуткіх пытанняў вядучага».
На пытанне аб існаванні іншапланецян прэзідэнт Трамп адказаў: «Ну, я не ведаю, існуюць яны ці не. Магу толькі сказаць вам, што ён разгаласіў сакрэтную інфармацыю. Ён не павінен быў гэтага рабіць. Ён зрабіў вялікую памылку».
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец131
Каментары