Аднагрупнікам іранца, у каторага выявілі каранавірус, з дэканата пачалі званіць а 4-й раніцы
«Мяне разбудзілі, кажуць, ты, хворы, збірайся», — піша студэнт БНТУ Андрэй.
Сёння раніцай яго і яшчэ некалькі аднагрупнікаў іранца, у якога выявілі каранавірус, адпраўляюць на абследаванне ў Бараўляны.
Самі студэнты, якіх адправілі на абследаванне, пакуль ад каментароў адмаўляюцца. Праўда, некаторыя просяць падпісацца на іх у інстаграме, маўляў, там запусцяць прамы эфір.
У студэнцкіх чатах з’яўляецца інфармацыя пра тое, што з інтэрнатаў не выпускаюць студэнтаў.
Аднак дзяжурныя ў інтэрнатах інфармацыю не пацвярджаюць.
Адказваюць па тэлефоне: «У нас усё добра». І кідаюць слухаўку.
Сёння павінна была адбыцца вечарына «Я студэнт БНТУ», аднак, па словах студэнтаў, яе адмянілі.
«Сёння ніхто з нас не пайшоў на пары, тут ужо не да вечарынкі», — адказвае Яўген, адзін са студэнтаў БНТУ.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары