Зяленскі спачатку вобразна параўнаў прэзідэнцтва з дзіравым чоўнам. А потым пажартаваў, што не можа павесіць алігархаў
Прэзідэнт Украіны параўнаў сваё прэзідэнцтва з чоўнам, які, нягледзячы на дзіркі, застаецца на плыву. Пра гэта ён заявіў у інтэрв'ю газеце The Guardian, піша РБК.
«Паўсюль дзіркі, і вы сваімі рукамі і нагамі спрабуеце заткнуць іх. Вось так мы і жывём. Мы затыкаемь дзіркі », — сказаў ён.
Пасля гэтага журналіст, што размаўляў з прэзідэнтам, адзначыў падабенства апісання з тонучым караблём. Аднак прэзідэнт дадаў: «Але мы ж не тонем!»
Акрамя таго, Зяленскі адзначыў, што калі сыграны ім персанаж серыяла «Слуга народа» Васіль Галабародзька загадаў бы проста павесіць або застрэліць алігархаў, што трацілі падчас канфлікту на Данбасе вялікія грошы за мяжой, то на рэальнай пасадзе прэзідэнта ён павінен будзе працаваць з імі і прасіць іх фінансаваць дзяржпраекты, а таксама ўкладваць грошы менавіта на Украіне.
«Калі мы абралі дэмакратыю, вядома, мы не можам вешаць людзей. Хаця! Часам сапраўды хочацца. А ведаеце чаму? Таму што гэта было б хутчэй. Значна хутчэй», — сказаў жартам Зяленскі.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары