Адзін з карпусоў 6-й бальніцы перапрафілююць пад «шпіталізацыю кантактных асоб» па каранавірусе
Пра гэта Мінздароўя паведаміла ў сваім тэлеграм-канале.
«У сувязі з перапрафіляваннем аднаго з карпусоў 6-й гарадской бальніцы Мінска пад шпіталізацыю кантактных асоб у шпіталі не будзе ажыццяўляцца прыём грамадзян.
Лагістыка:
Пацыенты-дзеці з траўмамі будуць дастаўляцца ў Рэспубліканскі навукова-практычны цэнтр траўматалогіі і артапедыі.
Пацыенты з траўматалагічнай паталогіяй (у залежнасці ад стану) — у Рэспубліканскі навукова-практычны цэнтр траўматалогіі і артапедыі або ў Гарадскую клінічную бальніцу хуткай медыцынскай дапамогі.
Акрамя таго, пацыенты з траўмай кісці таксама будуць дастаўляцца ў Гарадскую клінічную бальніцу хуткай медыцынскай дапамогі.
Захоўваецца праца кругласутачнага траўмапункта ў гарадской паліклініцы № 19 і цэнтральнай раённай паліклініцы №2.
Кансультатыўны кабінет Мінскага гарадскога клінічнага цэнтра траўматалогіі і артапедыі будзе працаваць на базе 14-й цэнтральнай раённай паліклінікі.
Каментары