Здарэнні33

Замежны студэнт абрабаваў свайго земляка, які хацеў купіць кватэру ў Мінску

Замежны студэнт, які праходзіць навучанне ў Мінску, выкраў у свайго знаёмага земляка больш за 74 тысячы даляраў, піша «Мінск-Навіны».

31 снежня 2019 года ў міліцыю з заявай звярнуўся 20-гадовы замежны студэнт, які паведаміў, што ў яго выкралі буйную суму. Высветлілася, што напярэдадні ён папрасіў дапамагчы набыць кватэру ў Мінску ў 21-гадовага суайчынніка. Пацярпелы нядаўна прыехаў у беларускую сталіцу, а яго зямляк жыў у Мінску амаль два гады.

У банк для атрымання буйнога грашовага пераводу маладыя людзі адправіліся разам на машыне земляка. Пасажыр даверыўся і на зваротным шляху нават паклаў для захавання грошы ў бардачок. Адсвяткаваць атрыманне буйной сумы студэнты адправіліся ў рэстаран, а пасля ўладальнік аўто проста з'ехаў з грашыма. Каб адцягнуць знаёмага, ён папрасіў яго пакласці ежу ў багажнік, а сам націснуў на педаль газу. Пацярпелы не мог адразу звярнуцца ў міліцыю — яго зямляк папрасіў мабільны тэлефон, каб нібыта патэлефанаваць, і не вярнуў яго.

Тым не менш рабаўнік быў затрыманы супрацоўнікамі міліцыі. У ходзе расследавання выяўлены і канфіскаваны ўсе выкрадзеныя грошы, большая частка якіх (70 тысяч даляраў) знойдзена ў тайніку ў лесапаласе. Астатнія былі ў аўтамабілі замежнага студэнта.

21-гадоваму маладому чалавеку выставілі абвінавачванне ў рабаванні, здзейсненым у асабліва буйным памеры (ч. 4 арт. 206), і махлярстве (ч. 1 арт. 209 КК). Абвінавачанага ўзялі пад варту, наклалі арышт на яго маёмасць агульным коштам больш за 30 тысяч рублёў.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дачка Надзеі Ермаковай пастаўляе рыбу ў калоніі, бальніцы і сілавікам2

Дачка Надзеі Ермаковай пастаўляе рыбу ў калоніі, бальніцы і сілавікам

Усе навіны →
Усе навіны

У Гомелі адбыўся пажар у раёне прадпрыемства ВПК

Польская пракуратура пацвярджае, што напад на расійскага апазіцыянера Волкава рабіўся «пад уплывам» Леаніда Неўзліна3

Лукашэнка прыгразіў ураду адказнасцю за «свавольствы» з цэнамі5

Украіна ракетным ударам пакінула расійскую элітную брыгаду марпехаў без камандавання4

Ілан Маск заявіў, што штучны інтэлект ужо сёння разумнейшы за большасць людзей5

Зяленскі прапанаваў узначаліць урад Украіны Юліі Свірыдзенка

Лябедзька пра сына-палітвязня: Гэта не бравада, я гатовы абмяняць сябе на яго12

Лукашэнка праверыў фізпадрыхтоўку генералаў. «Усе паказалі толькі выдатныя вынікі»17

У Краматорску збеглі з-пад украінскага канвою чацвёра расійскіх вайскоўцаў3

больш чытаных навін
больш лайканых навін

Дачка Надзеі Ермаковай пастаўляе рыбу ў калоніі, бальніцы і сілавікам2

Дачка Надзеі Ермаковай пастаўляе рыбу ў калоніі, бальніцы і сілавікам

Галоўнае
Усе навіны →

Заўвага:

 

 

 

 

Закрыць Паведаміць