У выхадныя паўночна-заходнія вятры прынясуць са Скандынаўскага паўвострава ў Беларусь халаднаватыя паветраныя масы. Пра гэта TUT.BY паведамілі ў Белгідрамеце Мінпрыроды.
У суботу, 4 красавіка, месцамі невялікія кароткачасовыя ападкі — дождж, мокры снег. Ноччу і раніцай на асобных участках дарог галалёдзіца. Вецер заходні, паўночна-заходні ноччу слабы, днём — парывісты. Ноччу -3…+3°С, максімальная днём +7…+13°С. Атмасферны ціск пачне інтэнсіўна расці.
У нядзелю ў асноўным будзе без ападкаў, толькі ноччу на поўначы краіны магчымы невялікі кароткачасовы снег. Ноччу 0…-6°С; днём ад + 5°С на паўночным усходзе да +13°С на захадзе.
У пачатку наступнага тыдня сітуацыя пачне мяняцца. Надвор'е возьме курс на вясну. Тэмпература штодня будзе павышацца.
6 красавіка ў панядзелак ноччу -1…-8°С, днём +12…+19°С.
У аўторак ноччу -2…+4°С, днём +15…+20°С.
8 красавіка, у сераду, ноччу 0…+6°С, днём +13…+18°С, месцамі на поўдні да +20°С.
Фон атмасфернага ціску будзе высокім, таму на дварэ будзе без ападкаў і чакаецца мала аблокаў.
Каментары