У Маскве ўводзяць прапускны рэжым. Расійская сталіца практычна спыняецца
Мэр Масквы Сяргей Сабянін абвясціў пра ўвод у горадзе прапускнога рэжыму ў сувязі з распаўсюджваннем каранавіруса.
Пропускі будуць уводзіцца ў горадзе паступова з 13 красавіка, іх пачнуць выдаваць у заяўным парадку для, напрыклад, паездак на працу. Якім чынам будзе рэалізаваная гэтая сістэма тэхнічна, мэр не патлумачыў.
Таксама прыпыняецца праца амаль усіх прадпрыемстваў і арганізацый, акрамя органаў дзяржаўнай улады, медыцынскіх устаноў, прадпрыемстваў харчовай і медыцынскай прамысловасці, вытворцаў сродкаў індывідуальнай абароны, ключавых прадпрыемстваў абаронкі, космасу, атамнай прамысловасці, крытычна важнай інфраструктуры, харчовых крамаў. Аднак усе прадпрыемствы, што застануцца працаваць, згодна з указам, павінны максімальна скараціць персанал, які прысутнічае на працоўных месцах. Астатнія супрацоўнікі павінны быць пераведзены на дыстанцыйную працу або ў рэжым непрацоўнага тыдня.
Часова спыняюцца будаўнічыя (рамонтныя) работы, акрамя будаўніцтва медыцынскіх аб'ектаў і работ бесперапыннага цыклу ў будаўніцтве і абслугоўванні метрапалітэна, чыгуначнага, наземнага грамадскага транспарту і аэрапортаў.
Таксама з наступнага тыдня прыпыняецца праца каршэрынгу, аказанне медыцынскіх паслуг шэрагам арганізацый і індывідуальных прадпрымальнікаў. Прыпыненая і кантрактацыя любых закупак, акрамя неадкладных.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў52
Каментары