Новы рэбус: «Колькасць пнеўманій у Віцебску супастаўная з мінулым тыднем. Па вобласці ёсць паступовы рост, што было чакана»
У Віцебскай вобласці шпіталізуюць усіх хворых з пнеўманіямі, заявіў журналістам начальнік галоўнага ўпраўлення па ахове здароўя аблвыканкама Міхаіл Вішнявецкі перад пасяджэннем абласнога штаба па барацьбе з распаўсюджваннем каранавіруса, перадае БЕЛТА.
«Раней некаторыя выпадкі пнеўманіі лячылі ў амбулаторна-паліклінічным звяне. Зараз кантралюецца кожная сітуацыя і людзей шпіталізуюць, — сказаў ён. — Колькасць пнеўманій на сёння ў Віцебску супастаўная з узроўнем мінулага тыдня, колькасць цяжкіх пацыентаў не павялічваецца. Ёсць паступовы рост людзей з гэтым захворваннем па вобласці, што было чакана».
Адказваючы на пытанне аб сітуацыі ў Докшыцкім раёне, Міхаіл Вішнявецкі адзначыў, што лячэбныя ўстановы працуюць з пнеўманіямі. Каб ложкаў было дастаткова, адно з аддзяленняў бальніцы перапрафілявалі. «Сітуацыя пад кантролем. Калі пачнецца прырост, то будзем прымаць рашэнне аб шпіталізацыі пацыентаў у іншы раён», — сказаў начальнік упраўлення.
За мінулыя суткі ў сітуацыі з вострымі рэспіраторнымі інфекцыямі ў Віцебскай вобласці назіраецца станоўчая дынаміка да зніжэння ўзроўню захворвання на 16,7%. Ідзе спад і ў найбуйнейшых гарадах рэгіёну. У структуры хворых пераважаюць дарослыя.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым4
Каментары