Ён працаваў у кампаніі 18 гадоў. Інфармацыю Радыё Свабода пацвердзіў начальнік аддзела карпаратыўных камунікацый Мікалай Брэдзелеў.
Нябожчык працаваў начальнікам упраўлення інжынірынгу, памёр ён сёння ўначы.
«Апошнія некалькі дзён ён знаходзіўся ў бальніцы з пацверджаным вынікам тэставання на COVID-19, да моманту выхаду на бальнічны і шпіталізацыі працаваў дыстанцыйна ў адпаведнасці з унутраным рэгламентам кампаніі ў перыяд эпідэміі.
На працягу больш як 18 гадоў наш калега быў часткай каманды А1 і ўнёс істотны ўклад у будаўніцтва і развіццё адной з найлепшых сетак мабільнай сувязі ў краіне. Для ўсіх нас гэта вялікая страта. Ад імя кіраўніцтва А1 выказваем глыбокае спачуваньне родным і блізкім Уладзіміра Міхайлавіча. Кампанія акажа яго сям’і ўсю неабходную матэрыяльную дапамогу і падтрымку», — сказаў Мікалай Брэдзелеў.
Каментары