«Наша Ніва» спыталася ў начальніка ўпраўлення гарадской гаспадаркі і энергетыкі Мінгарвыканкама Уладзіміра Лебедзя, чаму ацяпляльны сезон у Беларусі працягваецца ў маі.
«Рашэнне аб адключэнні ацяплення ў Мінску прымаецца ў адпаведнасці з ТКП 388-2012 «Правілы падрыхтоўкі і правядзення асенне-зімовага перыяду энергазабеспячальнымі арганізацыямі і спажыўцамі цеплавой энергіі». У гэтым дакуменце сказана, што мінімальны паказчык тэмпературы паветра на вуліцы павінен пратрымацца на працягу трох сутак у межах 8°C цяпла. Тады ацяпленне можа быць адключана. Пакуль жа было халадней. Зараз у нас амаль паўсюль стаяць аўтаматычныя тэрмарэгулятары, што дазваляе падтрымліваць камфортную тэмпературу ў памяшканнях на ўзроўні 18—20 градусаў. Калі на вуліцах халадней, тэмпература ў батарэях падвышаецца, і наадварот», — адказвае Уладзімір Лебедзь.
На пытанне, ці звязаны доўгі ацяпляльны сезон з пандэміяй каранавіруса, Уладзімір Лебедзь адказаў: «Калі мы зараз адключым ацяпленне, тэмпература ў тых жа бальніцах упадзе да 16 градусаў. Гэта дрэнна. Таму пакуль ацяпляльны сезон працягваецца».
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары