Золатавалютныя рэзервы за красавік выраслі на 96 мільёнаў даляраў
Міжнародныя рэзервовыя актывы Беларусі на 1 мая 2020 года, паводле папярэдніх звестак, склалі 7 882,9 мільёна даляраў (у эквіваленце), паведамляе Нацбанк.
За красавік ЗВР выраслі на 96,2 мільёна даляраў (на 1,2 працэнта) пасля зніжэння ў сакавіку на 1 018,4 млн. даляраў (на 11,6 працэнта).
Асноўным фактарам росту ўзроўню золатавалютных рэзерваў у красавіку стала купля замежнай валюты Нацбанкам на таргах біржы. Таксама павелічэнню рэзерваў спрыялі рост кошту манетарнага золата і паступленне замежнай валюты ў бюджэт, у тым ліку ад продажу Міністэрствам фінансаў на ўнутраным рынку аблігацый, намініраваных у замежнай валюце.
У красавіку 2020 года ўрадам і Нацбанкам выканана знешніх і ўнутраных абавязацельстваў у замежнай валюце на суму каля 317 мільёна даляраў.
Згодна з Асноўнымі напрамкамі грашова-крэдытнай палітыкі на 2020 год аб'ём міжнародных рэзервовых актываў на 1 студзеня 2021 года павінен скласці не менш за 7,3 мільярда даляраў.
Каментары