Орда пераконвае грамадства, што народ усё ж падпісваецца за Лукашэнку
У тэлеграм-каналах публікуюцца дзясяткі сведчанняў аб тым, што кіраўніцтва дзяржаўных устаноў і прадпрыемстваў прымушае супрацоўнікаў падпісвацца ў падтрымку Аляксандра Лукашэнкі.
Пікетаў у падтрымку кіраўніка краіны зусім не відаць, паходы па кватэрах адзінкавыя — але ўжо за першыя пару дзён нібыта было сабрана 200 тысяч подпісаў.
Старшыня Федэрацыі прафсаюзаў Міхаіл Орда, які ўзначальвае выбарчы штаб Аляксандра Лукашэнкі, вырашыў даць адказ у сваім фэйсбуку.
«У дзень пачатку збору подпісаў на «Нашай Ніве» з'явіўся цікавы артыкул пра тое, як у незалежныя СМІ зліваюцца фэйкавыя навіны. Схема да банальнага простая. На каленцы фабрыкуецца нібыта афіцыйны ліст аб прымусовым уключэнні людзей у ініцыятыўную групу дзейнага прэзідэнта. Натуральна, на паверку ўсе прозвішчы і імёны аказваюцца выдуманымі, як і факт прымусовага ўключэння ў групу.
Чытайце таксама: Як правакатары закідваюць фэйкі ў незалежныя медыя — канкрэтны прыклад
Сёння ўспомніў гэты артыкул, паколькі з кожным днём падобных фэйкаў становіцца ўсё больш. Ніводнага рэальнага імя. Затое колькі эмоцый!
Правяраем такія ўкіды. На сёння — ніводнага рэальнага факта. Падобна да таго, што хтосьці проста адпрацоўвае грошы.
Спадары, можа хопіць? У нашай краіне людзі падпісваюцца за вылучэнне дзеючага прэзідэнта. Гэта — факт», — напісаў кіраўнік штаба Лукашэнкі.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда17
Каментары