Экс-дарадца Абамы: Пратэсты ў ЗША арганізаваны па «расійскай метадычцы»

Былы дарадца прэзідэнта ЗША Барака Абамы па нацыянальнай бяспецы Сьюзан Райс сцвярджае, што беспарадкі, выкліканыя смерцю ў Мінеапалісе афраамерыканца Джорджа Флойда, нібыта маглі быць арганізаваны звонку па «расійскай метадычцы». Такое меркаванне яна выказала ў нядзелю ў эфіры тэлекампаніі CNN.

«Ёсць мірныя пратэстоўцы, увага якіх сфакусаваная на рэальным болю і няроўнасці, з якімі мы ўсе змагаемся і з якімі неабходна разабрацца, а ёсць экстрэмісты, якія прыйшлі, каб паспрабаваць адабраць гэтыя пратэсты і ператварыць іх у нешта зусім іншае, — сцвярджала Райс. — <…> Грунтуючыся на сваім досведзе, а я ні сёння, ні наогул цяпер не чытаю звесткі разведкі, але грунтуючыся на сваім вопыце, [магу сказаць, што] гэта таксама проста з расійскай метадычкі».

Вядучы CNN Вольф Блітцэр у адказ на гэта звярнуў увагу, што, па яго перакананні, «рускія <…> на працягу дзесяцігоддзяў» спрабавалі «зганьбіць Злучаныя Штаты, сеючы рознагалоссі на расавай глебе», пасля чаго пацікавіўся ў Райс, ці гэта яна мела на ўвазе. «Мы ўвесь час назіраем гэта, мы бачылі гэта шмат гадоў і, шчыра кажучы, бачым кожны дзень у сацыяльных сетках, дзе яны бяруць любую балючую, спрэчную тэму — няхай гэта будзе іміграцыя, правы гомасэксуалаў, узброены гвалт і, як заўсёды, расізм — і гуляюць за абодва бакі», — выказала меркаванне былая дарадца Абамы па нацбяспецы. «Іх мэта — не проста зганьбіць Злучаныя Штаты, — сцвярджала яна. — Іх мэта — падзяліць нас, зрабіць так, каб мы ўступілі ў барацьбу адно з адным».

Масавыя пратэсты і беспарадкі пачаліся на гэтым тыдні ў Мінесоце і шэрагу іншых штатаў пасля размяшчэння ў інтэрнэце відэазапіса затрымання 25 мая ў Мінеапалісе Джорджа Флойда, які падазраецца ў выкарыстанні фальшывых купюр. Белыя паліцэйскія надзелі на афраамерыканца кайданкі і павалілі яго на дарогу. Адзін з іх націснуў затрыманаму каленам на шыю, ігнаруючы крыкі Флойда, што той не можа дыхаць, неўзабаве афраамерыканец памёр у адной з бальніц горада. 26 мая ўсіх чацвярых супрацоўнікаў правапарадку звольнілі, адзін з іх узяты пад варту паводле абвінавачвання ў ненаўмысным забойстве.

Федэральныя і мясцовыя ўлады ў экстраным парадку спрабуюць суцішыць дэманстрантаў, прыцягваючы на дапамогу паліцыі Нацыянальную гвардыю ЗША. Больш чым у 40 гарадах краіны ўведзеная каменданцкая гадзіна. Падчас пратэстаў затрымана каля 4,1 тыс. чалавек.

• 0
• 0
• 0
• 0
• 0
• 0
• 0
• 0