У магілёўца ў бальніцы скралі тэлефон, пакуль ён быў у рэанімацыі
У міліцыю з заявай звярнуўся 55-гадовы гараджанін, які сцвярджаў, што ў бальніцы ў яго скралі мабільны тэлефон коштам 200 рублёў.
Да знікнення гаджэта можа быць датычны 33-гадовы беспрацоўны жыхар Мсціслава. Мужчына ляжаў у адной палаце з пацярпелым. Калі магілёўцу стала горш і яго павезлі ў рэанімацыю, усе яго асабістыя рэчы засталіся ў палаце без нагляду.
Пасля вяртання з рэанімацыі магілёвец убачыў, што мабільнага няма на месцы, а сусед ужо выпісаўся. Міліцыя знайшла гэтага жыхара Мсціслава і канфіскавала ў яго крадзенае. У сваё апраўданне мужчына заявіў, што знайшоў тэлефон і падумаў, што той нікому не належыць.
Завялі крымінальную справу.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я20
Каментары