ЦВК адказала на абвінавачванні Лукашэнкі ў дыскрымінацыі жанчын
Цэнтрвыбаркам адказаў на абвінавачванні грамадзян у адрас Аляксандра Лукашэнкі ў дыскрымінацыі жанчын.
У дакуменце гаворыцца, што, на думку аўтараў шматлікіх зваротаў, выказванні Лукашэнкі носяць дыскрымінацыйны характар і парушаюць 47 артыкул Выбарчага кодэкса. У ЦВК патлумачылі, што гэты артыкул устанаўлівае абмежаванні пры правядзенні перадвыбарчай агітацыі. Аднак ён выкарыстоўваецца да кандыдатаў толькі пасля іх рэгістрацыі ў гэтым статусе.
«Паняцце заўчаснай агітацыі, якое называюць заяўнікі, выбарчае заканадаўства не змяшчае. Такім чынам, прававых падстаў для вынясення патрабаванага заяўнікамі папярэджання асобе, якая вылучаецца кандыдатам у прэзідэнты Рэспублікі Беларусь, няма», — заявілі ў ЦВК.
Нагадаем, 29 мая Лукашэнка заявіў, што беларускае грамадства не выспела для таго, каб галасаваць за жанчыну на прэзідэнцкіх выбарах.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас1
Каментары