«У Крамля няма кандыдатаў на выбарах у Беларусі»: Пяскоў пракаментаваў затрыманне Бабарыкі і «справу Белгазпрамбанка»
Каментуючы затрыманне Віктара Бабарыкі, прэс-сакратар Уладзіміра Пуціна сказаў:
— Мы лічым гэта ўнутранай справай Беларусі. У гэтым выпадку, зразумела, мы не маем намеру неяк умешвацца ва ўнутраныя справы Беларусі, — заявіў Дзмітрый Пяскоў журналістам. — Што тычыцца саміх выбараў [у Беларусі], то на іх напэўна будуць прысутнічаць назіральнікі, таму ўсе ацэнкі будуць потым, па завяршэнні, піша ТАСС.
Па яго словах, кандыдатаў на пасаду прэзідэнта Беларусі можа мець толькі беларускі народ, а не Расія.
— У Крамля няма кандыдатаў на выбарах у Беларусі.
Кандыдаты на выбарах у Беларусі ёсць у беларускага народа, — сказаў ён, адказваючы на меркаванне аб тым, што прэтэндэнт на пасаду прэзідэнта Беларусі Віктар Бабарыка падтрымліваецца Масквой.
Абвінавачванні ў адрас расійскіх кампаній з боку Мінска з'яўляюцца галаслоўнымі, інтарэсы эканамічных гігантаў знаходзяцца пад абаронай Расіі, заявіў Дзмітрый Пяскоў, піша ria.ru.
— Тут, безумоўна, павінна нейкая аргументацыя паследаваць, падобныя абвінавачванні ў адрас такіх паважаных міжнародных кампаній, безумоўна, яны не могуць быць галаслоўнымі, яны павінны падмацоўвацца нейкімі аргументамі, — сказаў Пяскоў, адказваючы на пытанне журналістаў, як Масква рэагуе на заявы з Беларусі, што дзеяннямі прэтэндэнта на пасаду прэзідэнта Віктара Бабарыкі кіравалі з Масквы, у тым ліку з такіх буйных кампаній, як «Газпрам».
Ён адзначыў, што «інтарэсы расійскіх кампаній, тым больш нашых эканамічных гігантаў, вядома, заўсёды знаходзяцца пад абаронай расійскай дзяржавы».
— Гэта адзін з прыярытэтаў абароны нашых кампаній, якія працуюць у іншых краінах, у тым ліку і Беларусі, — сказаў Пяскоў, адказваючы на пытанне аб тым, ці не турбуе Крэмль, што закранаюцца інтарэсы кампаніі, якая звязаная з Расіяй.
Адказваючы на ўдакладняючае пытанне аб працы паміж Масквой і Мінскам па гэтым пытанні, Пяскоў адзначыў, што паміж Масквой і Мінскам «ажыццяўляюцца рэгулярныя кантакты на рэгулярнай аснове»
КДК: Лялькаводы Бабарыкі — вялікія начальнікі «Газпрома», а можа, і вышэй
Што вядома пра сям'ю з Баранавічаў, у якой і мужу, і жонцы далі велізарныя тэрміны за «здраду дзяржаве»11
Каментары