Журналісты папрасілі кіраўніка КДК пракаментаваць тое, што крымінальную справу ў дачыненні да топ-менеджараў Белгазпрамбанка звязваюць з выбарчай кампаніяй, якая праходзіць у краіне. «Гэтыя падзеі паміж сабой ніяк не звязаны», — падкрэсліў Іван Церцель, піша БелТА.
Адказваючы на пытанні журналістаў, Іван Церцель таксама пракаментаваў заявы Віктара Бабарыкі, што знойдзеныя ў затрыманых па гэтай справе грошы належаць яму. «Сапраўды, Бабарыка заявіў, што гэтыя грошы належаць яму. Разам з тым мы дакладна ведаем з паказанняў затрыманых асоб, што гэтыя грашовыя сродкі былі незаконна выведзеныя з Беларусі па сістэме афшораў, затым размеркаваны паміж удзельнікамі супрацьпраўнай дзейнасці ў адпаведнасці з раней абумоўленымі працэнтамі», — растлумачыў ён.
«Здаецца, што Бабарыка спрабуе пагуляць у высакароднасць. Мы ў сваю чаргу ведаем, што лялькаводы, якія стаяць за яго дзейнасцю, асцерагаюцца, што нашы дзеянні прывядуць да атрымання даных і пацвярджэнню іх дачынення да гэтай супрацьпраўнай дзейнасці. Такімі асобамі з'яўляюцца, мы ведаем, вялікія начальнікі ў «Газпроме», а можа быць, і вышэй», — сказаў Іван Церцель.
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна апынулася ў Беларусі, няясна3
Каментары