У Горадні на ланцуг салідарнасьці на вуліцы Ажэшкі ў цэнтры гораду прыйшлі некалькі дзясяткаў чалавек. Чатырох удзельнікаў затрымалі, затрыманьні працягваюцца. Адзін з затрыманых трымаў плякат «Стоп таракан», паведамляе Радыё Свабода.
На месца акцыі прыехалі два аўтазакі і некалькі дзясяткаў міліцыянтаў. Яны выціснулі ланцуг гарадзенцаў з вуліцы Ажэшкі, тыя перайшлі на Савецкую плошчу. На месцы, дзе спачатку былі ўдзельнікі ланцуга, сталі міліцыянты.
Некаторыя машыны, праяжджаючы паўз ланцуг, сыгналяць.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары