«Мы з вамі павінны правільна разумець, што адбываецца ў краіне»: Качанава сустрэлася з «творчай інтэлігенцыяй»
Старшыня Савета Рэспублікі Наталля Качанава правяла сустрэчу з творчай інтэлігенцыяй Беларусі, піша БелТА.
Спікерка падкрэсліла важнасць правядзення падобных сустрэч, каб выбудаваць эфектыўны дыялог паміж дзяржавай і грамадствам, растлумачыць асобныя аспекты дзяржпалітыкі, даведацца пра праблемы людзей, устаноў і прадпрыемстваў, галін, дзе яны працуюць.
Размова Наталлі Качанавай з дзеячамі культуры будавалася ў фармаце дыялогу, праходзіла ў шчырай і добразычлівай атмасферы, падкрэслівае БелТА.
«Тут усе тыя, хто прадстаўляе творчую эліту краіны, хто сфармаваў вобраз нашай Беларусі на доўгія гады. Вы — тыя людзі, якіх любяць, паважаюць, ведаюць», - адзначыла яна.
Кіраўнік Савета Рэспублікі падкрэсліла, што ў Беларусі вельмі шмат дасягненняў, якімі трэба ганарыцца, і іх трэба захаваць.
«Мы з вамі павінны рабіць высновы, правільна разумець тое, што адбываецца ў нашай краіне, шанаваць дасягнутае. Тое, што ёсць у нашай краіне, чым мы можам па праве ганарыцца, нялёгка нам давалася на кожным этапе, але мы выстаялі», - сказала яна.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары