Разлучаную каранавірусам пару шведа і расіянкі выратавала дзейная лютэранская кірха ў Гродне
Кранальнай гісторыяй са шчаслівым фіналам падзялілася «Камсамольская праўда».
Расіянка Ксенія і яе выбраннік Крыстафер не бачыліся амаль чатыры месяцы. Іх першая сустрэча з пачатку пандэміі каранавіруса адбылася 11 ліпеня ў Беларусі.
— З Крыстаферам мы пазнаёміліся ў Тайландзе, дзе і я, і ён зімавалі. І вось гэтай зімой мы таксама адправіліся на зімоўку ў Тайланд, а ўвесь час жылі ў Швецыі. І планавалі ляцець у Швецыю разам 26 красавіка. Але Крыстаферу трэба было тэрмінова злятаць туды па працы, і ён вылецеў 26 сакавіка, а 8 красавіка павінен быў вярнуцца. Але не атрымалася: межы зачынілі, — распавядае «Камсамолцы» Ксенія.
З тых часоў дзяўчына чакала адкрыцця межаў, і як толькі Швецыя дазволіла ўязджаць на сваю тэрыторыю, Ксенія адразу ж купіла квіткі на самалёт.
— Палёт быў такі: Пхукет — Бангкок — Хельсінкі — Стакгольм. Але падчас пералётаў авіякампанія пасадзіла мяне на рэйс да Фінляндыі толькі з умовай куплі квітка да Мінска. Адтуль у мяне быў квіток да Стакгольма, але і там мне адмовілі ў пасадцы на рэйс са спасылкай на ўнутраныя правілы авіякампаніі, — кажа Ксенія.
У выніку, каб патрапіць у Швецыю, дзяўчыне трэба было стаць жонкай Крыстафера.
— Мы і планавалі распісацца ў красавіку па прылёце ў Швецыю. Але пандэмія ўсё перавярнула з ног на галаву, і нам давялося шукаць выйсце. Сустрэцца мы маглі толькі ў Беларусі, дзе няма каранціну. А каб Швецыя прызнала шлюб афіцыйным, нам трэба было абвянчацца ў лютэранскай кірсе. Задача была не з простых, — усміхаецца Ксенія.
Закаханым і праўда пашанцавала… у Беларусі ёсць толькі адна дзейная лютэранская царква — кірха знаходзіцца ў Гродне.
— На шчасце, пастар Уладзімір Татарнікаў адказаў на мой электронны ліст — яму таксама напісаў Крыстафер, які лютэранін, — і пагадзіўся нас абвянчаць. І мы купілі квіткі ў Мінск. Швецыя прызнае шлюбы, заключаныя ў лютэранскай царкве, афіцыйнымі. Але ўсё роўна трэба зрабіць сякія-такія працэдуры па легалізацыі ў Швецыі. А ўжо пасля трэба будзе легалізаваць наш шлюб і ў Расіі на падставе шведскіх дакументаў, — радуецца дзяўчына.
Цяпер чытаюць
Сёстры Груздзевы цяпер важаць пад 100 кілаграмаў кожная21
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары