Генадзь Давыдзька: Давайце ў куратніку правядзем галасаванне аб мэтазгоднасці існавання лісы. Нават 3% яна не набярэ
Пра гэта кіраўнік «Белай Русі» распавёў у эфіры Беларускага Радыё, піша Tut.by.
«У мяне парада адна: перад уваходам у выбарчую кабінку чалавек павінен сябе ўявіць пасажырам самалёта, які трапляе ў турбулентную сітуацыю: наперадзе гром, маланкі, хмары, вяршыні гор. Яму трэба прагаласаваць, хто будзе весці гэты самалёт: крыкун, які сядзіць на апошнім месцы каля санвузла і не вадзіў самалёт ні разу, жанчына, якая не тое што сцюардэсай не была, а першы раз наогул села ў самалёт, або той пілот, які ўжо паказаў, як ён водзіць самалёт і які гарантуе, што ён давязе да пункта прызначэння цябе як пасажыра», — сказаў Давыдзька.
Выказаўся кіраўнік «Белай Русі» і пра галасаванне ў інтэрнэце.
«Слухайце, давайце ў куратніку правядзем галасаванне аб мэтазгоднасці існавання лісы. Ды там нават трох працэнтаў яна не набярэ», — мяркуе ён.
Выказаўся Генадзь Давыдзька і пра правы і свабоды. «Я не прыхільнік абмежаванняў свабод, абмежаванні — яны лішнія. Але, калі чалавека цягне на зло, ён разбурае, то тут трэба караць. Калі ты разбурыў лаўку ў парку, то будзеш адказваць перад законам. А калі ты разбурыў душу чалавека? Ты сваёй прапагандай у сваім блогу <…>. Прычым, калі гэта робіцца за грошы, чалавек выконвае заказ замежны, вядома, гэта павінна быць заканадаўча вызначана вельмі выразна і жорстка».
Цяпер чытаюць
Айцішнік і былы палітвязень Віктар Куўшынаў прадае за 850 тысяч еўра дом у Партугаліі, які пабудаваў паўтара года таму ФОТЫ5
Каментары