Кампанія Gurtam выдзяляе 500 тысяч даляраў на дапамогу пацярпелым
Кампанія Gurtam вылучае 500 тысяч даляраў на дапамогу пацярпелым. Пра гэта заявіў CEO кампаніі Аляксей Шчурко ў Facebook, піша Tut.by
Вось што Аляксей напісаў у сацсетцы:
— Сёння, як ніколі, людзі згуртаваліся, дух адзінства паўсюль. Але тыя з нас, каго бессаромна калечылі, а можа і працягваюць калечыць ў гэтыя дні, нікуды не зніклі, не забывайце пра гэта.
Няхай усе ведаюць: беларусы сваіх у бядзе не кідаюць. Кампанія Gurtam выдзяляе 500 тысяч даляраў на рэабілітацыю і дапамогу тым, хто пацярпеў ад жахлівых падзей мінулых дзён. Мы проста не можам застацца ўбаку.
Людзі — галоўная каштоўнасць. Заўсёды.
Нагадаем: аб выдзяленні 500 тысяч даляраў «на дабрачынную дапамогу з мэтай ліквідацыі наступстваў трагічных падзей у Беларусі» таксама заявілі ў ISsoft. А IT-прадпрымальнік Віктар Пракапеня напісаў у Facebook, што яго праект, крыптабіржа Currency.com, пералічыла 100 тысяч даляраў тым, хто пацярпеў падчас пратэстаў.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары