«Маіх калег зламалі і зрабілі злачынцамі». Дырэктарка полацкай школы звальняецца ў знак пратэсту
Наталля Вальвачова кіравала полацкай школай №5. Але пасля прэзідэнцкіх выбараў яна падала заяву на звальненне, запісаўшы зварот:
«9 жніўня быў пераломны момант у жыцці многіх, у свядомасці людзей, якія ўпершыню за многія гады вырашылі прыйсці на выбары і зрабіць свой выбар, у жаданні тых, хто хацеў зрабіць усё сумленна і па справядлівасці. Але, на жаль, улада і сістэма не далі нам такой магчымасці. Я ведаю, што многіх маіх калег, дырэктараў школ, педагогаў, людзей, якія карыстаюцца даверам і павагай, проста зламалі. Зламалі пагрозамі звальненняў, пераследу, псіхалагічным ціскам. Зрабілі злачынцамі.
На знак пратэсту я падала заяву на звальненне 10 жніўня. Я ведаю, як цяжка маім калегам ад усведамлення ўсяго, што адбылося. Разумею, што цяжар віны ляжыць на тых, хто зрабіў педагогаў закладнікамі сістэмы. Сістэмы хлусні, подласці, злачынстваў. Але веру, што мы зможам знайсці сілы зразумець і прыняць нашы памылкі, пакаяцца і заваяваць павагу людзей».
У школе пацвердзілі, што дырэктарка напісала заяву аб звальненні. Праўда, пакуль яна афіцыйна ў адпачынку да 28 жніўня, пасля будзе вырашацца пытанне са звальненнем.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою15
Каментары