Рэжысёр парадаў на 3 Ліпеня вяртае ўзнагароды і званні ў знак пратэсту
Вячаслаў Панін — мастацкі кіраўнік Маладзёжнага тэатра эстрады. Таксама ён ажыццяўляў пастаноўку масавых дзяржаўных святаў, напрыклад, парадаў на 3 Ліпеня, адкрыцця Чэмпіяната свету па хакеі ў Мінску.
У сувязі з апошнімі палітычнымі падзеямі Вячаслаў Панін апублікаваў рэзкі ліст. Нагодай для яго стала масавае ганараванне ўрадавымі ўзнагародамі сілавікоў.
Лукашэнка ўзнагародзіў сілавікоў медалямі за бездакорную службу
«Цынізм улады зашкальвае. Прызнаюся, гэта абразліва для мяне. Я не хачу стаяць у адным шэрагу з людзьмі, якія ўчора знішчалі і калечылі мой народ. Я выходжу з гэтага шэрагу, — піша Панін.
Я раблю крок наперад і станаўлюся ў адзін шэраг з Латушкам і ўсімі купалаўцамі, людзьмі сумленнымі, прынцыповымі і сапраўднымі грамадзянамі сваёй краіны.
Я вяртаю ўлады гэтую купку, як іх іранічна называла Фаіна Ранеўская, «пахавальных прыладаў». У кантэксце сённяшняга дня гэтая іронія набывае падвойны злавесны сэнс.
Я вяртаю званне «Заслужаны дзеяч мастацтваў», медаль Францыска Скарыны і іншыя менш значныя медалі і знакі адрознення. Гэта мой грамадзянскі ўчынак і іначай у дадзеным выпадку я паступіць не магу.
І яшчэ таму, што патрыятызм для мяне не пусты грукат ідэалагічнай бразготкі, а адказнасць і павага да свайго народа.
Я ні ў якім разе не заклікаю пераймаць мой прыклад, але разам з катамі я не магу і не хачу знаходзіцца ў адным шэрагу. Знакі адрознення і дакументы на ўзнагароды я вярну ў Міністэрства культуры ў найбліжэйшы час.
Грамадзянін сваёй краіны Вячаслаў Панін».
Фота на галоўнай старонцы з фэйсбука Вячаслава Паніна.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары