МЗС Польшчы абвергнула «тэлефонную размову» паміж Берлінам і Варшавай пра Навальнага, перахопленую Мінскам
Міністэрства замежных спраў Польшчы абвергла інфармацыю пра тэлефонную размову паміж абанентамі ў Варшаве і Берліне, падчас якой абмяркоўвалася фальсіфікацыя атручвання Аляксея Навальнага. Пра гэта польскае замежнапалітычнае ведамства паведаміла ў панядзелак у адказ на запыт ТАСС.
«Мы абвяргаем беларускія паведамленні аб тым, што мела месца тэлефонная размова на лініі Варшава — Берлін, у якой улады дзвюх краін быццам бы прызналі, што Аляксей Навальны не быў атручаны», — пазначана ў паведамленні.
«Мы прымаем заяву канцлера Ангелы Меркель і ўрада Нямеччыны аб тым, што Аляксей Навальны быў атручаны баявым атрутным рэчывам з групы так званых «Навічкоў», — адзначыў МЗС Польшчы, выказаўшы вялікую занепакоенасць у сувязі з гэтай інфармацыяй.
«Як і ўрад Германіі, мы асуджаем гэты ганебны ўчынак. Мы лічым, што вінаватыя ў замаху на забойства Аляксея Навальнага павінны быць прыцягнутыя да адказнасці», — канстатавала ведамства.
Трагедыя ў Докшыцах: скончыла жыццё самагубствам 15-гадовая вясковая выдатніца1
Каментары