У прыватнасці, мяркуецца адрадзіць жыллёва-будаўнічыя кааператывы.
У прыватнасці, мяркуецца адрадзіць жыллёва-будаўнічыя кааператывы.
Нацбанк падводзіў вынікі дзейнасці за першыя чатыры месяцы гэтага году. Пракаповіч пачаў з негатыву. Ён канстатаваў зніжэнне экспарту беларускай прадукцыі і змяншэнне валютнай выручкі – на 40 і 45 працэнтаў адпаведна за чатыры месяцы гэтага году ў параўнанні з аналагічным леташнім перыядам. Запаволіўся і рост ВУП – 101 працэнт супраць 111 леташніх.
Што да беларускага рубля, то Нацбанк цвердзіць пра яго стабільнасць.
Курс нашага рубля да валютнага кошыку склаў 960 рублёў, што ў студзені, што ў красавіку.
Калідор вагання кошту кошыку замежных валютаў пераглядаць не плануецца, прынамсі ў другім квартале. «Мы не прымаем парадаў [МВФ] павялічыць дэвальвацыю і пашырыць калідор ваганняў курса да 10‑15 працэнтаў», — сказаў кіраўнік Нацбанку.
Адзін з сёлетніх прыярытэтаў працы Нацбанку – жыллё. Цяпер
Нацбанк рыхтуе праграму спрыяння будаўніцтву жытла, якая будзе пададзеная на разгляд Лукашэнку.Сярод прапановаў – палепшыць умовы для льготнага крэдытавання.
Для жыхароў буйных гарадоў, што чакаюць кватэры ў чарзе, плануецца павялічыць тэрміны выдачы ільготных крэдытаў да 30 год, а жыхарам невялікіх мястэчак знізіць працэнтныя стаўкі па льготным крэдытаванні з 3% да 1%.
Пётр Пракоповіч таксама прапануе вярнуцца да савецкіх формаў жыллёва‑будаўнічых каааператываў.
«Мы вернемся ў савецкі час, калі прадпрыемствы стваралі жыллёва‑будаўнічыя кааператывы і калектывы індывідуальных забудоўшчыкаў і будавалі жыллё з удзелам сваіх работнікаў, тых, якія і атрымлівалі кватэры ў гэтых дамах», — сказаў Пракаповіч.
Пракаповіч дапусціў, што ўвосень крэдыты могуць стаць таннейшымі.
У трэцім квартале магчымае зніжэнне стаўкі рэфінсавання пры той ўмове, што сярэднямесячная інфляцыя не перавысіць адзін працэнт.Пакуль жа банкам загадана зніжаць стаўкі па валютных дэпазітах — да 1 чэрвеня да 8 %. Гэта дазволіць знізіць і крэдытаванне ў замежнай валюце. Датычна дэпазітаў у беларускіх рублях ніякіх абмежаванняў няма.
Кіраўнік Нацбанку лічыць, што ЗША і Расія ў адрозненні ад Беларусі «могуць дазволіць сябе жартаваць з эканомікай». «Злучаныя Штаты могуць надрукаваць даляры і аддаць усім, вам і нам, мы схопім і будзем на іх працаваць. Расія можа прадаць нафту і газ, калі цэны падвысяцца ды вырашыць свае праблемы. А мы не павінны дапусціць крызісных з’яў», — сказаў Пракаповіч.
Каментары