Былы палітвязень, бізнэсмен, сябра каманды Віктара Бабарыкі Юрый Васкрасенскі даў інтэрв’ю тэлеканалу АНТ. Чамусьці для недзяржаўных СМІ даваць інтэрв’ю Васкрасенскаму забаронена, а вось на дзяржаўным тэлебачанні і расійскіх каналах — калі ласка.
Васкрасенскі запэўнівае: ніхто не ведаў, што Лукашэнка прыйдзе ў СІЗА. «Трыгерам яго візіту ў СІЗА стала праграма Марата Маркава «Нічога асабістага» (там была гутарка якраз з Васкрасенскім — «НН»), пасля яе ён вырашыў змагацца за кожнага грамадзяніна».
Былы вязень кажа, што Лукашэнка выслухоўваў кожнага з прысутных.
«Гэта быў не маналог, у асноўным гаварылі мы, гаварылі вельмі свабодна. Калі сустрэча заканчвалася, Лукашэнка папрасіў мяне падсумаваць усе прапановы, якія гучалі на сустрэчы.
Апроч гэтага, Лукашэнка папрасіў мяне падрыхтаваць спіс асоб, якім можна змяніць меру стрымання, якія не так небяспечныя для грамадства», — сказаў Васкрасенскі.
«Сёння я падрыхтаваў дакладную запіску па асобах, якім можна змяніць меру стрымання», — падсумаваў ён.
Глядзі яшчэ: Хто такі Юрый Васкрасенскі? Палітычны шлях ад апазіцыянера да ўдзельніка інаўгурацыі Лукашэнкі і назад
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары