Колькасць затрыманых за ўдзел у пратэстах супраць фальсіфікацыі выбараў набліжаецца да 15 тысяч чалавек
Сёння не менш за 39 чалавек затрымалі ў Мінску на студэнцкім маршы. Спіс сабрала «Вясна».
Сёння ж у Жодзіне (Мінская вобласць) дзвюх дзяўчат затрымалі за распаўсюд газеты «Народная воля», паведамілі чытачы «Нашай Нівы».
Учора ў Шабанах, Мінск, на Акрэсціна забралі двух арганізатараў паказу мультфільмаў для моладзі ў двары, паведамілі чытачы «Нашай Нівы».
Учора ў пасёлку Сеніца Мінскага раёна, дзе мясцовыя жыхары збіраюцца вечарамі, каб абмеркаваць апошнія падзеі да разам папіць чаю, адбыўся хапун.
Усяго па стане на вечар 17 кастрычніка ў Беларусі за час пратэстаў адбылося, як мінімум, 14 590 затрыманняў.
Каментары