Аштрафавалі жыхара Пружанаў, які прыйшоў на мітынг з чырвона-зялёным сцягам
У жніўні жыхар Пружанаў Віталь Кульгаўчук выйшаў на вуліцу з чырвона-зялёным сцягам на плячах. А 16 кастрычніка суд прызнаў яго вінаватым ва ўдзеле ў незаконным масавым мерапрыемстве.
«У той дзень, 24 жніўня, мітынгаў не было, людзі проста гулялі ў цэнтры горада, — распавядае Віталь.
— Я ішоў на сустрэчу з сябрам. Мая пазіцыя — мы, беларусы, непадзельныя, адзін народ. Таму ў мяне на плячах быў чырвона-зялёны сцяг.
Лозунгаў ніякіх я не выкрыкваў, нічога такога.
А 7-й вечара я сустрэўся з сябрам. На плошчы былі яшчэ людзі — але без сімволікі, без лозунгаў. Падышла міліцыя, адзін з відэакамерай, другі пачаў папярэджваць пра адказнасць за несанкцыянаваныя мітынгі. Людзі пачалі адказваць ім, што гэта ніякі не мітынг.
Міліцыянт сказаў: я вас папярэдзіў — і сышоў. А праз два дні мне ўручылі павестку. Я прыйшоў у РАУС, на мяне склалі адміністратыўны пратакол».
Неўзабаве мусіў прайсці суд, але разгляд справы Кульгаўчука адклалі.
«Бо 9 жніўня мяне затрымлівалі, і далі арышт на 5 сутак. Я яго адбыў, але абскарджваў тыя суткі. Суддзя вырашыў пачакаць, пакуль прыйдзе адказ.
Пасля прыйшоў адказ на маю скаргу, што ўсё нібыта ўсё было зроблена па законе.
І 16 кастрычніка ў судзе мне далі штраф 35 базавых за той чырвона-зялёны сцяг. Я віну не прызнаваў — у чым? Міліцыянт-сведка, той, які папярэджваў, казаў, што бачыў бел-чырвона-белыя сцягі, чуў лозунгі. На судзе ўключылі відэа, і сам міліцыянт прызнаў, што памыліўся, а падзеі, пра якія ён казаў, былі ў іншы дзень. Але суддзя вырашыў, што я вінаваты ўсё роўна».
Кульгаўчук атрымаў 35 базавых штрафу (945 рублёў).
«Гэты прысуд буду абскарджваць таксама. Надзея памірае апошняй, як той казаў. Здавацца не трэба, будзем спрабаваць», — кажа мужчына.
-
Завяшчаў Карыне Шуляк 50 мільёнаў, а яе бацька лётаў з ім на верталёце за месяц да арышту. Што яшчэ стала вядома з файлаў Эпштэйна
-
Лукашэнка паабяцаў дапамагчы прэзідэнту Бразіліі з пераабраннем. Хай той толькі папросіць
-
Былога намесніка старшыні БНФ Анатоля Фёдарава разбіў інсульт проста падчас стрыму Пятрухіна
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары