«Самі не можам усвядоміць, што гэта адбылося». З Ліліі Уласавай знялі ўсе абмежаванні
23 кастрычніка адменены хатні арышт у дачыненні да юрыста і медыятара Ліліі Уласавай, якая на мінулым тыдні была вызвалена з СІЗА. Як паведаміў Tut.by яе муж, з Ліліі знялі ўсе абмежаванні. Гэта значыць, што Лілія Уладзіміраўна можа свабодна перасоўвацца, мець стасункі з роднымі, калегамі і сябрамі. Пры гэтым Лілія Уласава застаецца ў статусе абвінавачванай. У найбліжэйшы час яна будзе вырашаць праблемы са здароўем, якое падарвала за час знаходжання ў ізалятары.
— Мы самі не можам усвядоміць, што гэта адбылося, — кажа муж Ліліі Уласавай Уладзімір Іскарцаў на пытанне, як яны ўспрынялі рашэнне следства аб адмене хатняга арышту. — Паўтара месяца знаходжання ў СІЗА паказалі, што спадзявацца не даводзіцца, але ўсё ж розум перамог. Спадзяёмся, што ён пераможа і ў дачыненні да іншых затрыманых.
31 жніўня Уласаву выклікалі ў Цэнтральнае РУУС Мінска па факце ўдзелу ў несанкцыянаваным масавым мерапрыемстве. У той жа дзень яе затрымалі супрацоўнікі Дэпартамента фінансавых расследаванняў Камітэта дзяржаўнага кантролю, у яе доме правялі ператрус. Пазней стала вядома, што ў дачыненні да Ліліі Уладзіміраўны заведзена крымінальная справа па ч. 2 арт. 243 КК (Ухіленне ад выплаты падаткаў).
Лілія Уласава ўтрымлівалася ў СІЗА № 1 на Валадарскага, яна была адной з удзельніц сустрэчы з Аляксандрам Лукашэнкам у СІЗА КДБ 10 кастрычніка. Праз тыдзень яе вызвалілі з ізалятара пад хатні арышт. Сёння, 23 кастрычніка, следствам прынята рашэнне аб адмене меры стрымання.
Цяпер чытаюць
У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь з Літвы6
Каментары