У адным з прыватных двароў на вуліцы Геолагаў у Калінкавічах 7 лістапада з’явіўся бел-чырвона-белы мурал. Пасля абеду 8 лістапада, пакуль гаспадароў не было дома, работнікі жыллёва-камунальнай гаспадаркі зафарбавалі яго брудна-чырвонай фарбай. Але калінкавіцкія актывісты, сабраўшыся вялікай талакой, ужо ўвечары яго адмылі, паведамляе «Палеская вясна».
А 10-й гадзіне раніцы на наступны дзень, 9 лістапада, да двара, у якім размешчаны мурал, прыехаў нарад міліцыі і крыху пазней зноў брыгада камунальнікаў з вёдрамі фарбы. Паколькі гаспадары адмовіліся пускаць няпрошаных гасцей у двор, да месца прыбыў ажно намеснік начальніка Калінкавіцкага РАУС, начальнік міліцыі грамадскай бяспекі Дзмітрый Воляк. Ён спрабаваў даведацца права валодання і пражывання гаспадарамі кватэры, ля якой намалявалі мурал. Гаспадыня паказала яму прапіску ў гэтым адрасе ў пашпарце. Але ён усё адно хацеў нейкія дакументы, маўляў, трэба ўпэўніцца ў законнасці гэтай прапіскі, што гэта жылое памяшканне.
Пасля таго як гаспадары пачалі здымаць на відэа, камунальнікі з’ехалі. Міліцыянеры пакінулі гэтае месца пасля спрэчак, паабяцаўшы выклікаць гаспадароў позвамі ў міліцыю.
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў11
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары