У Гомелі суд зменшыў 19-гадовай дзяўчыне, што знаходзіцца пад арыштам, пакаранне на восем сутак
Гомельскі абласны суд 11 лістапада разглядаў скаргі жыхароў рэгіёну на штрафы і арышт за ўдзел у акцыях пратэсту. Пераважная большасць скаргаў пакінута без задавальнення. Толькі суддзя Васіль Бягун змяніў рашэнне суда Цэнтральнага раёна Гомеля аб пакаранні за ўдзел у акцыі пратэсту для 19-гадовай Дар'і Зямлянскай, скараціўшы тэрмін арышту з 15 сутак да сямі, паведамляюць Моцныя навіны.
Дзяўчына знаходзіцца ў ізалятары часовага ўтрымання.
Рашэнне аб 15-сутачным арышце Зямлянскай вынес 16 кастрычніка суддзя Віктар Казачок. Адразу дзяўчыну ў ІЧУ не забралі, бо, па словах суддзі, не было канвою. Яна падала скаргу ў Гомельскі абласны суд.
Дзяўчына знаходзілася на волі да 6 лістапада. У той дзень яна пайшла ў банк і не вярнулася — была затрыманая міліцыяй і змешчаная ў ІЧУ для адбыцця пакарання.
15 кастрычніка за ўдзел у акцыі пратэсту суд аштрафаваў на 10 базавых велічынь (270 рублёў) Наталлю Зямлянскую — маці Дар'і.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары