Міліцыя: Затрыманыя двое мужчын, якія спрабавалі прывесці ў непрыдатнасць чыгунку Мінск — Маладзечна
Прэс-служба МУС паведамляе, што вечарам 11 лістапада каля прыпынку «Вязынка» (чыгунка Мінск — Маладзечна) міліцыянеры Маладзечанскага РАУС заспелі двух мужчын, якія спрабавалі нешта зрабіць на чыгуначных рэйках. Калі міліцыя падышла бліжэй, тыя кінуліся бегчы.
Адзін пабег у бок вёскі Ліпені да схаванага ў кустах аўтамабіля. Мужчыну затрымалі і выявілі ў яго ў заплечніку бутэльку з бензінам, балаклаву і абцугі. Другога знайшлі за 1,5 км ад чыгункі — ён хаваўся ў лесе.
Высветлілася, што гэта сваякі з Радашковічаў (36 і 37 гадоў). Яны наклалі чатырохметровы металічны дрот на перагоне «Радашковічы — Дубравы» і вышмаравалі спецсродкам рэйкавыя ніты для паляпшэння электракантакту. Міліцыя знайшла расцяжку і не дапусціла фальшывага спрацоўвання святлафора і блакавання руху цягнікоў.
Са слоў затрыманых, яны збіраліся разліць бензін на шляху адыходу, думаючы, што такім чынам змогуць збіць са следу службовага сабаку.
Распачата крымінальная справа, мужчыны змешчаны ў ізалятар.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары