Пасол Мезенцаў: Розыгрыш «расійскай карты» беларускай апазіцыяй не мае перспектывы
Пасол Расіі ў Беларусі Дзмітрый Мезенцаў перакананы, што ў беларускай апазіцыі не атрымаецца выкарыстаць «расійскую карту» для дасягнення сваіх палітычных мэтаў.
«Спробы некаторых арганізатараў пратэстаў ці рэжысёраў, якія хочуць ставіць палітычныя спектаклі на «сцэнічнай пляцоўцы» ў Беларусі — з розыгрышам расійскай карты ў імкненні справакаваць магчымае напружанне ў адносінах Расіі да Беларусі, не маюць перспектывы», — заявіў мезенцаў журналістам у сераду ў Мінску, піша «Інтэрфакс».
«Пазіцыя расійскага боку ў дачыненні да братэрскай Беларусі не мяняецца ў залежнасці ад тых ці іншых кан'юнктурных крокаў заходніх партнёраў Мінска. Яна нязменная. Гэта сістэма маштабных саюзніцкіх адносін, шматкроць пацверджаных сёння і накіраваных на будучыню», — сказаў пасол РФ.
«Прэзідэнт Расіі Уладзімір Пуцін праводзіць нязменную палітыку ў падтрымку ўсяго беларускага народа, брацкай рэспублікі», — падкрэсліў ён.
У сувязі з гэтым «лічыць, што нехта ў той ці іншай заходняй сталіцы, абвяшчаючы тыя ці іншыя рэстрыкцыі ў дачыненні да Беларусі, зможа надламіць практыку двухбаковых адносін — гэта значыць не разумець глыбіню і маштаб нашага супрацоўніцтва».
На ягоную думку, «беларускія партнёры зробяць правільныя высновы з тых крокаў, якія робяцца на Захадзе і якія з'яўляюцца прыкладам найгрубейшага ўмяшання ва ўнутраныя справы суверэннай дзяржавы».
Таксама Мезенцаў выказаў думку, што сітуацыя вакол Белгазпрамбанка не павінна быць палітызаванай, і дзяржава не павінна ўмешвацца ў дыялог з акцыянерамі.
«Пытанне дыялогу з акцыянерамі, у які дзяржава не павінна ўмешвацца, павінен быць вырашаны па-за «палітычным парадкам». Мяркую, што менавіта ў такім ключы будуць пераадоленыя ўсе тыя складанасці, якія ўзніклі вакол гэтага банка», — сказаў Мезенцаў журналістам у сераду ў Менску.
Па яго словах, «сітуацыю з гэтым фінансавым інстытутам важна разглядаць з пункту гледжання выканання нацыянальнага заканадаўства, і старацца не падкручваць тыя ці іншыя вынікі, нават калі яны здаюцца негатыўнымі, да парадку двухбаковых адносінаў».
«Перакананы, што так і будзе. Тым больш, што кіраўнік беларускай дзяржавы адзначыў зацікаўленасць у захаванні і ўмацаванні Белгазпрамбанка. Для гэтага ўжо зроблена нямала», — дадаў пасол.
Каментары