Пра гэта старшыня Савета Рэспублікі распавяла cёння на сустрэчы са студэнтамі журфака БДУ, паведамляе «Студэнцкая думка».
«Я ўстаю а 6-й раніцы і адразу ўключаю тэлевізар. І крытыкі ў бок тэлевізара ў мяне гучыць шмат. Гляджу навіны, газеты я чытаю ў сілу сваёй прафесійнай дзейнасці, — расказала Наталля Качанава. — Люблю друкаваныя выданні. Але калі адкрыць мой тэлефон, то можна знайсці тэлеграм: «Пул першага» там, *** таксама [папулярны канал, прызнаны ў Беларусі экстрэмісцкім. — НН]».
Таксама Наталля Качанава адказала на пытанне, што яна думае пра выказванне Лукашэнкі, што Канстытуцыя Беларусі зроблена не пад жанчыну:
«Прэзідэнт меў на ўвазе не тое, што не пад жанчыну, а што Канстытуцыя — гэта архіскладаная праца. І цяпер гэта вельмі складана, бо прэзідэнт у нас цяпер адказвае за ўсё. Таму ён проста казаў пра тое, што гэта вельмі цяжка і гэта не проста прадстаўнічыя функцыі.
На прэзідэнце цяпер ляжаць нашы замежныя адносіны, унутраныя. Канстытуцыя ў нас сёння такая, што па кожным кірунку кантроль і функцыі прэзідэнта ў нейкай частцы. І гэта адмова ад асабістага жыцця, за табой жа краіна», — сказала старшыня Савета Рэспублікі.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся3
Каментары