Памятаеце акрываўленага мужчыну з міліцэйскага відэа? Яго будуць судзіць яшчэ і за наркотыкі
«У Мінскім раёне пяцёра мужчын пашкодзілі аўто жонкі міліцыянера», — паведаміла міліцыя 29 верасня. Апублікавалі і відэасюжэт: мужчыны пакінулі свае машыны ў лесе, прыйшлі пехатой да дома міліцыянера. Тое аўто аблілі фарбай, пазалівалі дзверы мантажнай пенай, прабілі колы.
Усіх мужчын жорстка затрымалі. Міліцыя выклала відэа, дзе адзін з затрыманых прызнаецца, што «памыліўся палітычнымі поглядамі». На відэа — дзіцячы трэнер Антон Быкоўскі (падрабязней пра яго чытайце тут).
4 снежня Следчы камітэт паведаміў, што расследаванне па справе скончылі. Усіх фігурантаў вінавацяць у злосным хуліганстве, якое здзейсніла група асоб. Пакаранне — да 6 гадоў.
Акрамя таго, некаторым фігурантам дадалі і іншыя абвінавачванні.
«Вызначана, што 28-гадовы жыхар Мінскага раёна збыў 30-гадоваму мінчаніну тэлескапічную металічную дубінку. Паводле заключэння эксперта, гэты прадмет з'яўляецца халоднай зброяй ударна-раздрабняючага дзеяння, — паведамляюць следчыя.
Адпаведна, 28-гадовага мужчыну вінавацяць у збыце халоднай зброі — гэта да 2 гадоў калоніі.
31-гадовага мужчыну — у вырабе і захоўванні прадметаў, «дзеянне якіх заснавана на выкарыстанні гаручых рэчываў». Прасцей кажучы, у яго канфіскавалі аналаг кактэйлю Молатава. Гэта таксама караецца тэрмінам да 2 гадоў.
Ну а ў Антона Быкоўскага следчыя знайшлі наркотыкі.
«Дома ў 39-гадовага жыхара Мінскага раёна было канфіскавана марыхуана. Там жа выяўлены каноплі ў гаршчочку, а таксама спецыяльнае абсталяванне для іх вырошчвання — лямпы, вентылятары», — паведаміў СК.
Цяпер Быкоўскага вінавацяць яшчэ ў захоўванні наркотыкаў без мэты продажу (да 5 гадоў калоніі) і ў вырошчванні раслін, якія ўтрымліваюць наркатычнае рэчыва групай асоб ці тым, хто раней здзейсніў такое ж злачынства (гэта ўжо да 7 гадоў).
Жонка Антона Быкоўскага кажа, што не ведала ні пра якія наркатычныя рэчывы.
«Увогуле апошні месяц перад затрыманнем мы з Антонам жылі паасобку — быў крызіс у стасунках. Таму я нічога не ведаю. Калі пры ператрусе штосьці знайшлі, я была ў іншым пакоі і не бачыла, што там. У пратаколе было напісана проста «рэчыва расліннага паходжання», — кажа Дар’я.
Быкоўскі, як і іншыя фігуранты, застаецца пад вартай. Матэрыялы справы перадалі пракурору для накіравання ў суд.
-
Венядзіктаў: «У адным з абменаў, пра які гучна не казалі», Украіна вызваліла некалькі дзясяткаў беларускіх наёмнікаў
-
Памёр былы намеснік старшыні Брэсцкага аблвыканкама Леанід Цупрык
-
Пальчыс пра ліст Калеснікавай і Золатавай: «За ўсё добрае, супраць усяго дрэннага», але ў рэальнасці гэта пакіне 9 мільёнаў у лакальным КНДР
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў33
Каментары